BB餃子餐 - 菜心甘筍豬肉餃
最近阿女出牙無胃口進食，連對喜愛的飯仔都唔感興趣😓 臨近歲晚，幸好已買餃子皮，準備包餃子迎接新年 今日先姑且一試包BB餃子，無調味，睇下阿女的反應 沒想到她一見覺得好吸引，一口氣吃了7隻水 餃😋😋 仲有可以留一些到明天做午餐😊 材料（約16-17隻）： 豬肉 約$15 甘筍 1/3條 有機菜心苗 5-6棵 西蘭花 （雪櫃剩了一朶😅） 油 少許 生粉 少許 做法： 1.先將各種蔬菜在滾水拖一拖，再沖凍水保持翠綠，然後用廚房紙印乾 2.豬肉切片，放入攪拌機打至起膠 3.紅蘿蔔放入攪拌機打碎 4.將菜心苗和西蘭花切碎 5.將所有材料放入一個大碗，加入少許油和生粉混合 6.將一茶匙餡放入餃子皮，用水封邊造型 7.在滾水加少少油，大火烚5分鐘，轉中火烚3-4分鐘即成
